Përpos rezultateve jo shumë të mira në fushë, kriza financiare vijon ta penalizojë Flamurtarin.
Klubi vlonjat ka bërë vetëm dy goditje në këtë merkato janari, duke treguar edhe njëherë limitet e kuqezinjtë. Ledjon Liçaj dhe Xhevahir Sukaj janë dy firmat e vetme që ka marrë Flamurtari në këtë dritare merkatoje, edhe pse largimet kanë qënë të madhe dhe madje të bujshme.
Tomislav Busiç, Goran Siljanovski dhe Alesio Hyseni janë vetëm pak nga largimet, teksa në dyshim është e ardhmja e Danilo Alves. Braziliani ka pohuar se do nuk do të jetë me skuadrën deri në momentin që detyrimet kundrejt tij të shlyhen, duke krijuar një situatë alarmante në klub.
Aktualisht Alves ndodhet në Brazil pranë familjes, ndërkohë që te Flamurtari kanë nisur punën për të gjetur pikët, sepse drejtuesit duan Europën. 5 pikë nga Kupat e Evropës nuk janë shumë, por kjo mbetet në dorën e skuadrës së Ilir Dajës, e cila do të kërkojë 3 pikët e radhës që këtë fundjavë ndaj Kukësit.
Lexo gjithashtu
