Kukësi do të udhëtojë në Durrës të shtunën për të sfiduar Teutën në Niko Dovana në orën 16:00 për javën e 22-të të Kategorisë Superiore. Një përballje direkte mes dy ekipeve që janë në kuotë të barabartë pikësh në vendin e tetë dhe shtatë, pra një garë për të dalë nga zona Play-Out.
Fitorja do të thotë shumë për të dy ekipet pasi një trepikësh jo vetëm do t’i largonte më shumë nga rreziku i fundit të tabelës por do t’i afronte madje edhe me zonën Europiane pasi Laçi, Egnatia dhe Erzeni nuk janë shumë larg me pikë.
Kampionati sa vjen e bëhet më i nxehtë dhe për ta ndezur këtë sfidë direkte, ka menduar Kukësi teksa në publikimin e axhendës së ndeshjes në rrjete sociale pyet tifozët: “A jeni gati?”
Poll
Lexo gjithashtu
