Tirana ia doli të fitonte ndaj Egnatias ditën e hënë një takim mjaft të rëndësishëm. Pas javës së 20-të bardheblutë e shikojnë vetën në krye të klasifikimit me 6 pikë më shumë se Vllaznia e vendit të dytë.
Pikërisht hkodranët janë kundërshtari i tyre i radhës në kampionat, takim që do të luhet ditën e diel në orën 16:00 në “Loro Boriçi”. Por përpara kësaj kampionët ndaj rrogozhinasve ndryshuan skemën e lojës, plan që rezultoi të ishte i duhuri për bardheblutë.
Siç duket Orges Shehi ka gjetur planin B dhe ndaj skuarave që luajnë fort të përdorë skemën 3-5-2 dhe jo 4-3-3. Edhe pas transfertës rrogozhinase, tekniku do të theksonte se ka punuar disa ditë për të përçuar te lojtarët këtë skemë. Manovrat e të cilës nuk i lënë shumë hapësira kundërshtarit. E njëjta skemë pritet të hidhet në fushën e “Loro Boriçit” dhe mbetet për t’u parë nëse do e nxjerrë sërish në “dritë” Shehin dhe të nis arratinë. Këtu bën përjashtim Aleksi i cili është i pezulluar.
Formacioni që u përdor ndaj Egnatias:
Tirana 3-5-2: Bekaj, Behiratce, Najdovski, Lulaj, Toshevski, Përgjoni, Deliu, Hila, Aleksi, Lushkja, Patrick-Hasani.
Lexo gjithashtu
