Egnatia dhe Erzeni janë përballur për të luajtur ndeshjen e vlefshme për javën e 21-të të “Abissnet Supriore. Sfida e zhvilluar në Rrogozhinë, përfundoi me fitoren me përmbysje 3-2 të vendasve. Pas kësaj sfide, për mikrofonat e MCN TV ka folur qendërmbrojtësi i rrogozhinasve, Arbenit Xhemajli.
“Ishte ndeshje e vështirë. Profesor Tetova na tha që duhet të kemi durim dhe të mbajmë topin dhe të gjejmë momentin e duhur për të shkuar te porta e Erzenit. Në pjesën e parë kemi qenë me 3 mbrojtës, ndërsa në pjesën e dytë me 4 kemi sulmuar gjatë gjithë kohës portën e Erzenit. Profesori na tha të kemi shumë durim. Ne përshtatemi sipas ndeshjes, e nisim me katër mbrojtës dhe vazhdojmë me 3 ose e kundërta. Kjo skemë ndryshohet gjatë lojës dhe na ka favorizuar dhe shpresoj të vazhdojë kështu”, u shpreh fillimisht Xhemajli.
Kalimi dy herë në avantazh i Erzenit, a është problem?
“Sot kemi treguar karakter, e kemi kthyer rezultatin dy herë. Erzeni nuk është kundërshtar i dobët, kanë ekip shumë të mirë. Shpresoj që mos të ndodhë më që të na duhet të përmbysim ndeshjen, siç na ndodhi sot.”
Mendoni se terreni sot ishte i papërshtatshëm dhe ishte arsyeja që ti dhe Malota gabuat disa herë?
“Kemi luajtur gjatë gjithë sezonit me Malotën bashkë. Kemi gabuar disa herë, por terreni nuk na lejon që të luajmë futboll të mirë. Trajneri na thotë që të luajmë futboll, edhe gabojmë.”
Lexo gjithashtu
