Leonardo Spinazzola ishte një nga më të mirët për Italinë. Anësori i Romës bëri gjithçka mirë, por një dëmtim la në gjysmë aventurën e tij në EURO 2020. Lojtari ka dhënë një intervistë, teksa shprehet optimist se Azurrët do ia dalin të mundin Anglinë në aktin final. Nëse ndodh diçka e tillë, Spinazzola premton se do festojë me paterica.
"Djemtë e kanë mbajtur fjalën, pasi më kishin premtuar kalimin në finale dhe ia dolën, duke bërë një ndeshje mjaft të mirë ndaj Spanjës e duke më dhuruar emocione të shumta. Jemi një skuadër e madhe, kemi hyrë në zemrat e njëri-tjetrit dhe jemi vërtetë si një familje e madhe, ndaj do të jem në "Wembley" për finalen dhe do të festoj me paterica. Nëse fitojmë, do të jetë një sfidë për mua, pasi do të duhet të kërcej me të gjithë dhe këtë duhet at bëj me një këmbë e me ndihmën e patericave" - tha ai.
Lexo gjithashtu
