Kamza e ka nisur në mënyrën më të mirë të mundshme sezonin e ri në Superligë. Skuadra ia doli të merrte 3 pikë në fushën e "Selman Stërmasit" duke befasuar shumëkënd.
Presidenti i Kamzës Naim Qarri deklaroi se ky vit do të jetë plot me të papritura për kamzalinjtë. Ndërkohë ai ka folur dhe për dënimin e skuadrës nga FSHF-ja që katër takime duhet t'i luajë pa tifozë.
"Është i pashpjegueshëm fakti, që për një bidon ujë të hedhur në fushë dënimi të jetë maksimaln Dënimin e kemi apeluar. Është shumë i rëndë dhe na kushton shumë, sepse nga shtimi i tifozëve në stadium të nxjerrim të paktën të ardhurat për të paguar stjuartët . Prandaj me këtë rast i lutemi FSHF-së dhe presidentit Armand Duka, që të na hiqet ky dënim, sidomos në ndeshjen me Partizanin, ku pritet një numër i madh tifozësh.
Qarri e ka vlerësuar si të nevojshme ndihmën e Bashkisë së Kamzës për të garantuar ecurinë pozitive të skuadrës.
"Kjo ndihmesë duhet të vazhdojë në mënyrë që ecuria e klubit të mos mbyllet vetëm në pretendimin për të mbijetuar, por të shtohen kërkesat ndaj stafit teknik për të dhënë më shumë e për t'u renditur mes ekipeve më të mira. Uroj që ky bashkëpunim të jetë maksimal", shprehet Qarri.
Lexo gjithashtu
