Partizani mori një fitore të rëndësishme ndaj Teutës, ditën e shtunë në transfertë. Një fitore me lojë të mirë, sipas trajnerit Colella, por edhe kështu merren tre pikët. Të kuqtë vazhdojnë të ndajnë kreun me Tiranën, një derbi që duket se nuk mbaron vetëm me përballjet direkte.
Javën e ardhshme, Partizani sfidon Egnatian në transfertë, të hënën në orën 15:00. Ndaj rrogozhinasve trajneri Colella është me gishta të kryqëzuar për të rikuperuar në kohë lojtarët e dëmtuar. Victor Da Silva është humbje e sigurtë pasi braziliani u ndëshkua me karton të verdhë dhe pezullohet më një ndeshje ndërsa 3 të tjerë janë në duart e mjekësve.
Atanaskoski, Telushi dhe Maguette janë lojtarët për të cilët mjekët do të bëjnë gjithçka që të jetë e mundur që ata të jenë të gatshëm për ekipin në një ndeshje shumë të rëndësishme përballë ekipit me formën më të mirë në ndeshjet e fundit.
Lexo gjithashtu
