Trajneri i Vllaznisë, Qatip Osmani foli për MCN TV në përfundim të sfidës me Erzenin. Shkodranët u kualifikuan në gjysmëfinale të kupës pas një fitoreje të thellë 6-1 e cila u arrit në shtesa, pasi koha e rregullt u mbyll me rezultatin 2-1, ashtu si ajo e sfidës së parë. Osmani u shpreh u kënaqur për fitoren, por jo për lojën.
“Një fillim i rezervuar, i kujdesshëm. Bëm golat në pjesën e parë, patëm një lojtar tepër. Nuk i shfrytëzuam disa raste në të dytën, pësuam atë gol. Deri në fund të 90 minutave na mungonte një ide, një pasim i fundit. Kishim pak lëvizje në sulm. Ndoshta nuk kishte neglizhencë, por shumica e lojtarëve kanë luajtur nga 90 minuta edhe në kampionat. Kjo mund të jetë një aryse.
Strategji për t’i lënë Erzenit zotërim topi? 20 minutat e para lejuam Erzenin të kishte zotërim topi, si zakonisht ekipet i presim në bllok të mesëm, por nuk bëmë atë sulmin, atë presingun për të çuar topin te Balaj. Pasi pësuam, luajtëm gabim në vendosje edhe pse kishim një lojtar tepër. Nuk ishim të rrezikshëm, mungon lëvizjet e mesfushorëve që kërkojnë hapsirat. Pasimi i fundit nuk ishte i saktë.
Tregolëshi i Gomes? Nëse e marrim një analizë, ndoshta ne s’kemi patur mundësi ta fusim në lojë, por sot tregoi që ai është një lojtar për t’u llogaritur”, tha Osmani.
Lexo gjithashtu
