Dështimi për të arritur në raundin 1/16 të Champions League rezulton në humbje prej 25 milionë eurosh për Juventusin që përfshijnë, bonuset e UEFA, të drejtat televizive, tregu marketingut etj. Një shifër që do të rëndojë në arkën e klubit por në njëfarë mënyre mund të balancohet me suksesin në Europa League, gjithmonë nëse nuk dështojnë as për vendin e tretë në Champions.
Për balancimin do të ishte e domosdoshme fitimi i trofeut. Kalimi i raundit të dytë sjell 1.2 milionë euro, çerekfinalet 1.8 milionë, gjysëmfinalet 2.8 milionë dhe finalja 4.6 milionë euro. Fitorja në finale do të shtonte edhe 4 milionë të tjera për ta çuar në një total prej 14.4 milionë euro që nëse i shtojmë edhe të drejtat televizive, tregu marketingut etj mund të kapi shifrën e 25 milionë eurove, aq sa kalimi i grupeve në Champions.
Lexo gjithashtu
