Lindon Selahi firmosi ditën e djeshme zyrtarisht me Rijekan në Superligën kroate. Mesfushori i Kombëtares shqiptare ishte pa skuadër që pas largimit nga Twente, ndërsa dje u zyrtarizua te skuadra kroate.
Pas hedhjes së firmës, Selahi është prezantuar dhe si lojtari i Rijekas duke theksuar se e njeh mjaft mirë futbollin kroat pasi është me origjinë nga Ballkani dhe beson se mund të bëjë paraqitje shumë të mirë këtë sezon.
“Sot vizitova stadiumin, gjithçka duket shumë bukur, fusha është me të vërtetë fantastike dhe mezi pres të luaj para tifozëve të Rijekës. E di që Rijeka ka një histori të gjatë, vitet e fundit ka pasur sukses të madh në garat evropiane dhe jam i lumtur që jam këtu.
Unë jam me origjinë nga Ballkani, kështu që di shumë për futbollin kroat. Thjesht shikoni ekipin kombëtar kroat të futbollit, i cili luajti në finalen e Kupës së Botës dhe lojtarë me famë botërore. Kam luajtur me Duje Cop (luan te Dinamo Zagreb) tek Standard Liege kështu që do të takohemi sërish.
Ndihem më mirë në pjesën e përparme të mesfushës, më pëlqen t’i bëj presion kundërshtarit, ndihem mirë kur kam topin në këmbë, besoj se mund të kontribuoj përpara me asistimet e mia. Duke parë këtë fushë të shkëlqyer, besoj se mund të bëj ndeshje të mira me fanellën e Rijekës. Kam luajtur tek Standard Liege, ku kam bërë dhe debutimin tim me të rinjtë.
Më pas kam luajtur për Anderlecht dhe më pas te Tëente, ku luajta mbi 40 ndeshje dhe vitin e kaluar në pjesën e dytë të sezonit isha i huazuar te Ëillem II. Kam luajtur 16 ndeshje, arritëm të siguronim qëndrimin mes më të mirëve dhe ishte sukses i madh. Që sot e tutje, jam i përqendruar vetëm tek Rijeka”, u shpreh Selahi.
Loading ...
