Filozofi i mirënjohur Artan Fuga, në një postim në rrjetet sociale ironizon ministrat tanë për premtimet e dhëna për Europianin. Ja çfarë thotë ai: “Më pëlqeu shumë ajo deklarata nga kryeministria që cdo ministër që do të shkojë për të parë ndeshjet e futbollit në Francë, kampionatin europian pra, do t'i paguajë vetë lekët e biletës, udhëtimit, hotelit, dhe gjithçka tjetër.
Kësaj i them luftë kundër korrupsionit unë...:)
Se mos kujtoj ndonjë ministër ose ministre se do t'ja paguajmë ne me taksat tona birrat, verën, dhomën e hotelit kur shkon për qejf të shohi futboll...
Por që e deklarojnë me kaq seriozitet këtë, me siguri ka pas ndonji që i ka vajt mendja.
Po sikur dikush t'ua bëjë dhuratë? Apo kjo lejohet.
Se me thënë të drejtën, me lënë lekët e rrogës të gjithë muajit për me pa një ndeshje futbolli duhet të jesh tifoz si ballist morina...
Shkrihesh tuj qesh!
E kam thënë, ore këta na marrin për idiotë ne budallenjve! ”- është shprehur Fuga.
Lexo gjithashtu
