Padyshim që Gjergji Muzaka sot ka marrë pjesën më të madhe të meritave për fitoren e ccmendur ndaj Partizanit në një ndeshje delikate. 33-vjçari ka vlerësuar mentalitetin dhe shpirtin e skuadrës, por nuk është larguar nga mikrofoni i “Supersport” pa dhënë një mesazh të fortë kundërshtarëve.
“Ka pas shumë ndryshime dhe lëvizje në ekip. Mentaliteti dhe grinta janë po të njëjtat. Çdo skuadër ka vend për përmirësim. Jemi skuadër e re dhe kemi nevojë për ndryshime. Që në ndeshjen me Laçin pashë që dëshira dhe uria nuk ka humbur te Skënderbeu. Më pëlqen shprehja e ish-futbollistit të famshëm Gary Lineker që thotë: ‘Në futboll janë 22 vetë që vrapojnë pas topit dhe në fund fiton Gjermania’. E njëjta gjë ndodh dhe këtu, luhen 36 javë kampionat dhe në fund fiton Skënderbeu”, përfundon futbollisti i Skënderbeut Gjergji Muzaka.
Loading ...
