Patrick De Souza ishte një nga më të mirët në fushë për skuadrën e Tiranës. Sulmuesi brazilian shkëlqeu ndaj Lushnjës, duke arritur të shënonte 2 gola në fitoren 3-0 të Tiranës. Kjo sfidë e vlefshme për 1/8-at e Kupës së Shqipërisë, ndërsa në sy ra mënyra e festës së Patrick.
Braziliani kishte veshur një bluzë poshtë fanelës së Tiranës ku kishte të stampuar dy fotografi. Pikërisht për këtë, Newsport.al kontaktoi lojtarin që shpjegoi rëndësinë e kësaj fanele në jetën e tij.
“Gjithmonë luaj me këtë bluzë sepse më jep fuqi dhe në të gjithë skuadrat që kam luajtur, e kam veshur. Është mënyrë falënderimi për të gjitha gjërat që kam bërë. Te fanela shkruhej: “Nuk do të harrohemi kurrë. Gjithmonë luaj për ju!”
Kujtojmë që Patrick u afrua te Tirana në merkaton e verës. Stafi teknik ka qenë mjaft i entuziazmuar me aftësitë në stërvitje, megjithatë në fushë pritet më shumë nga ana e tij.
Lexo gjithashtu
