Administratori i Flamurtarit, Sinan Idrizi ka qenë i ftuar në emisionin "Rubrika Sportive" në televizionin lokal "6+1 Vlora", që drejtohet nga gazetari Elton Nika.
Numri 1 i klubit vlonjat ka rrëfyer se viti 2016 ka qenë një dështim në aspektin sportiv për skuadrën bregdetare.
"Një vit aspak i kënaqshëm, madje do thoja i dështuar në aspektin sportiv. Sezonin e kaluar, për pak sa nuk ramë nga kategoria.
Skena më e turpshme e ekipit ka qenë festa e lojtarëve tanë në Ballsh, kur Flamurtari arriti të siguronte mbijetesën.
Kjo për mua është e pakuptimtë. Do ishte mirë që ata lojtarë të festonin kokulur. Çfarë arritën? Asgjë. Ishte një skenë turpi për ta dhe për vetë klubin e Flamurtarit", tha Idrizi në emisionin "Rubrika Sportive" në televizionin lokal "6+1 Vlora".
Lexo gjithashtu
