Sherif Kallaku ishte lojtari i afruar me bujë në këtë merkato dimri te Partizani. Fantazisti nuk mundi të luante ndeshjen e parë me të kuqtë për shkak të mungesës së federimit. Merkato në Kroaci është hapur zyrtarisht ditën e sotme dhe lejekalimi do të mbërrijë nesër në zyrat e klubit kryeqytetas.
Kësisoj, për ndeshjen e fundjavës kundër Kastriotit ai pritet të jetë gati për t’u vënë nën urdhrat e trajnerit Dritan Mehmeti. Pas fitores 3-0 kundër Egnatias, atmosfera tek të kuqtë është pozitive. Megjithatë stafi teknik pret ende përforcime për t’ia dalë mbanë deri në fund të sezonit.
Loading ...
