Mbrëmja e sotme do të zbresë në fushën e lojës skuadrat e grupit B për ndeshjet e fundit në grupe mes tyre. Nga ky grup do të vendosen dy skuadrat më të mira që do të kalojnë automatikisht fazën e grupeve dhe skuadra që do të dalë e treta do të duhet të presë rezultatet e ndeshjeve të tjera.
Ndeshja e parë do të zhvillohet ndërmjet Rusisë dhe Uellsit me skuadrën uellsiane që kërkon të bëjë suprizën e madhe të këtij Europiani. Kompanitë e basteve shohin një avantazh të lehtë për të fituar ndeshjen për skuadrën e Rusisë duke e kuotuar atë me koefiçentin 2.65, barazimin ndërmjet skuadrave me koefiçentin 3.15 dhe fitoren e skuadrës uellsiane me koefiçentin 2.8.
Ndeshja tjetër që do të luhet po në orën 21 është ajo ndërmjet Sllovakisë dhe Anglisë me këtë të fundit dukshëm favorite. Fitorja e Sllovakisë është vlerësuar me koefiçentin 4.4, barazimi ndërmjet skuadrave 3.35 dhe fitorja e anglezëve me koefiçentin 1.9.
Rezulati i këtyre ndeshjeve dhe në vazhdim do të jetë shumë i rëndësishëm edhe për Kombëtaren Shqiptare e cila është në pritje të renditjes së të gjitha skuadrave të treta të grupeve për të përcaktuar pastaj më të mirat mes tyre.
Lexo gjithashtu
