Bota e futbollit është tronditur nga një superskandal që ka përfshirë futbollistë, trajnerë dhe shumë të tjerë. Disa dokumente, që tregojnë anën e errët të lojtarëve, menaxherëve, trajnerëve, do të publikohen ditën e diel.
Bëhet fjalë për lojtarët e superpaguar të klubeve më të mëdha në botë, të cilët shmangin taksat dhe krijojnë në këtë mënyrë kompani në parajsa fiskale.
Hetimi për zbulimin e këtij megaskandali është realizuar nga 12 media europiane, të cilët kanë mundur të zbulojnë këto fakte, të cilët do të bëhen publike për të shmangur këtë evazion gjigant fiskal.
Edhe pse dosjet do të publikohen të dielën, janë zbuluar disa nga emrat e "yjeve" më të mëdhenj të momentit. Bëhet fjalë për emrin e Cristiano Ronaldos dhe Jose Mourinhos, të cilët janë të përfshirë në këtë superskanda.
Disa emra të tjerë të cilët priten të publikohen ditën e dielë janë: Radamel Falcao, Mesut Ozil, ndërsa në Itali të përfshira në skandal janë 6 skuadra të Serisë A: Juventusi, Interi, Milani, Roma, Napoli dhe Torino. Tashmë të gjithë presin me ankth të dielën, për të zbuluar detaje nga skandali me emrin Football Leaks.
Cristiano Ronaldo nga viti 2009 deri më 2014, ka transferuar mbi 70 milionë euro të përfituara nga sponsorët, në llogaritë bankare të Tollin, një kompani e regjistruar në Ishujt Virgjin Britanikë, një parajsë fiskale në Karaibe.
74 milionë euro të tjera, ylli i Realit i ka transferuar në një llogari bankare në Zvicër, deri në vitin 2014, kur i shiti të drejtat e imazhit nga viti 2015 deri më 2020 te Peter Lim, një biznesmen nga Singapori. Në këtë mënyrë, Ronaldo i ka paguar taksave një shifër minimale nga të ardhurat stratosferike, ndërsa përllogaritet që i ka fshehur tatim-taksave rreth 150 milionë euro.
Në qendër të evazionit fiskal është portugezi Jorge Mendes, menaxheri i Cristiano Ronaldos, që ka një tjetër klient mjaft të njohur në futboll dhe po aq të paguar si Josè Mourinho. Ndërmjet vitit 2010 deri më 2013-ën, përpara se të transferohej në Angli te Chelsea dhe më pas te Manchester United, “Special One” drejtoi Realin e Madridit dhe në vitin 2014 ishte nën hetim nga Zyra e Taksave në Spanjë, ku për të mbyllur çështjen pagoi 5,5 milionë euro taksa të prapambetura dhe gjoba.
Lexo gjithashtu
