Esin Hakaj nuk është stërvitur prej 10 ditësh me skuadrën e Vllaznisë. Mbrojtësi i majtë ka shfaqur probleme fizike që nuk e kanë lënë të përgatitet me grupin për afro 2 javë.
Pikërisht ky fakt ka shqetësuar stafin teknik, të cilët kanë hedhur sytë nga drejtuesit për t’u futur në merkato për dublim pozicioni.
Edhe pse nuk ka ende një emër konkret, në Shkodër janë të bindur se mund të gjendet një zëvendësues i denjë për kapitenin, pse jo për të rritur edhe konkurrencën.
Dje, Hakaj është bashkuar me skuadrën, por nuk ka mundur të marrë ngarkesën e plotë. Teksa kanë mbetur afro dy javë nga fillimi i Superiores, në Shkodër me gjasë do të futen në mërkato për një mbrojtës të majtë.
Poll
Lexo gjithashtu
