Kukësi është një nga skuadrat që po bën mirë në ndeshjet e fundit në kampionët. Verilindorët që pas uljes në stol të Rraman Hallacit kanë arritur të koleksionojnë fitore të rëndësishme që e kanë nxjerrë ekipin nga zona e ftohtë, ndërsa tashmë ndodhen vetëm 3 pikë larg vendit të 3-të që mbahet nga Egnatia.
Pikërisht rrogozhinasit janë kundërshtari i radhës i verilindorëve në kampionët. Ditën e shtunë në orën 15:00 në “Kukës Arena”, Hallaçi dhe djemtë e tij do të synojnë një tjetër fitore të rëndësishme që do t’i ngjiste ndjeshëm në renditje.
6 fitore rresht në “Kukës Arena” mes kampionatit dhe Kupës janë një tregues i qartë se tashmë Kukësi e ka kthyer në një “fortesë” stadiumin e vet. Madje përveç sfidës së Kupës me tetutën që e ka fituar 2-1, në takimet e tjera kanë dalë triumfator pa pësuar gol.
Tashmë Hallaçi ka të gjitha “kartat” në rregullt dhe një fitore ndaj rrogozhinasve ditën e shtunë do të afronte verilindorët më shumë me “ëndrrën” europiane këtë sezon.
Lexo gjithashtu
