Esat Mala është një nga emrat e përfolur në këtë merkato vere për t’u afruar te Kukësi. Mesfushori shtatshkurtër është ende pa skuadër dhe verilindorët shihen si opsion për të. Megjithatë nuk ka ende diçka konkrete. Trajneri Skënder Gega e mirëpret në skuadër pasi ia njeh mirë aftësitë duke e trajnuar që tek moshat. Dëshira e lojtarit është të vijojë aventurën në Turqi, edhe pse opsionet për të janë shumë të pakta.
Te Partizani duken se i kanë mbyllur derën për mënyrën se si u largua në fund të sezonit që lamë pas. Kësisoj te Kukësi, me në krye Gegën të gjithë e dëshirojnë në ekip prej cilësive që zotëron dhe eksperiencës së fituar në kampionatin shqiptar.
Në sezonin që sapo u mbyll, Mala ishte pjesë e Partizanit në formë huazimi nga skuadra e turke e Girensusporit. Por, kjo e fundit e nxorri jashtë planeve duke bërë që mesfushori të mbetet futbollist i lirë.
