Erzeni pret Partizanin ditën e dielë në “Niko Dovana” për të zhvilluar mes tyre sfidën e javës së 13-të të “Abissnet Superiore”, me duelin që nis në orën 15:45. Shijakasit do t ëkërkojnë 3 pikët në shtëpi, teksa ndaj një rivali si demat do të shijonin më shumë, duke marrë parasysh se vetëm 2 pikë i ndajnë dy ekipet në tabelën e klasifikimit.
Xhevahir Kapllanaj është në “hall” para kësaj sfidë. Dy lojtarët kryesore të skuadrës janë dëmtuar ditët e fundit, duke shqetësuar kështu edhe stafin teknik. Bëhet fjalë për kapitenin, Gëzim Krasniqi, i cili ka pësuar një dëmtim në gju dhe po vazhdon vizitat mjekësore për të mësuar edhe shkallën e dëmtimit.
Sikur të mos mjaftonte vetëm kaq. Në miqësoren me Trepçën ’89 është dëmtuar edhe sulmuesi, Ilirid Ademi. Mjekët i kanë rekomanduar një pushim 10 ditor lojtarit, në mënyrë që të riaftësohet, ndërsa aktivizimi i tij ndaj të kuqve do të rrezikonte në një ndalesë më të madhe të tij. Në këtë kushte Kapllanaj duhet të bëjë llogaritë pa Ademin në duelin e të dielës.
Lexo gjithashtu
