Bruno Gomes De Oliveira Conceição është lojtari më i fundit i afruar në ekipin e Vllaznisë. Sulmuesi brazilian erdhi në Shkodër nga skuadra e CD Nacional.
Bruno Gomes u transferua tek Vllaznia me parametra zero, por klubit kuqeblu mund t’i “kushtojë” në të ardhmen. 27-vjeçari është lënë i lirë nga klubi i tij Nacional edhe pse kontrata nuk i kishte përfunduar ende. Klubi dhe lojtari kishin rënë dakord se kontrata do të prishej vetëm në rast se Nacional do të arrinte marrëveshje me Vllazninë.
Teksa të dy ekipet janë dakordësuar që transferimi të bëhej falas, në rast rishitje të sulmuesit nga klubi shkodran, një përqindje e fitimeve do t’i shkonte edhe CD Nacional. Me këtë formulë kanë rënë dakord të dyja ekipet duke e parë si rrugën e duhur.
Lexo gjithashtu
