Vesel Limaj ndërpreu bashkëpunimin me Tiranën ditën e djeshme dhe i dha lamtumirën bardhebluve pas 18 muajve në kryeqytet. Mesfushori e nisi si një titullar i padiskutueshëm por më pas humbi vendin në formacionin e Orges Shehit.
Si duket, jeta në kryeqytet, i ka pëlqyer tej mase dhe Limaj mund të “tradhëtojë” Tiranën për t’u mos larguar. 26-vjeçari pritet të kalojë te rivalët e Partizanit dhe këtë e “konfirmon” një tjetër “ish”.
Ëngjëll Hoti, i cili gjithashtu bëri kalimin të Partizani në merkaton e verës, ka ndarë një foto në rrjete sociale me Vesel Limajn në makinë dhe sinjalizon me një shkelje syri për ribashkimin te Demat.
Reparti kreativ te Tirana ka një konkurencë shumë të lartë me Deliun e Lushkjan dhe dëshira për më shumë minuta bëri që Hoti e Limaj të veshin fanellën e rivalëve të përbetuar.
Lexo gjithashtu
