Enea Jorgji është caktuar gjyqtar kryesor në finalen e Kupës së Shqipërisë mes Tiranës dhe Egnatias. Kjo sfidë është vendosur të zhvillohet në orën 19:00 dhe pritet me mjaft interes nga gjithë sportdashësit. Sektori i Gjykimit pranë Federatës Shqiptare të Futbollit ia ka besuar këtë ndeshje gjyqtarit elbasanas.
Sakaq ndihmës të tij do të jenë Rejdi Avdo dhe Ridigert Çokaj. Ndërkohë dhoma e VAR-it i është besuar Juxhin Xhajës. Eksperienca e tyre në fushën e arbitrimit i ka bërë ata që të jenë të përzgjedhur për këtë finale që do të përcaktojë edhe skuadrën fituese.
Kujtojmë që Enea Jorgji ka qenë gjyqtar kryesor në gjysmëfinalen e dytë mes Egnatias dhe Vllaznisë, ku rrogozhinasit arritën të kualifikoheshin në këtë sfidë të rëndësishme. Pritet të shihet se si do të përfundojë kjo finale, për nga rëndësia, e dyta pas trofeut të titullit kampion të Superligës shqiptare.
Lexo gjithashtu
