Nuk është bërë ende publike lista me lojtarët kuqezinj që do të grumbullohen për ndeshjen me Marokun dhe atë kundër Maqedonisë, por burime konfidenciale tregojnë se risia për këto dy ndeshje nis nga porta.
Thomas Strakosha
Trajneri Gianni De Biasi ka vendosur që t’i besojë Thomas Strakoshës vendin e portierit rezervë në kombëtare, ku përpos Etrit Berishës dhe Alban Hoxhës, djali i legjendës së portës së kombëtares, Foto Strakosha, do të vihet nën urdhërat e stafit teknik të ekipit të parë përfaqësues për herë të parë në karrierën e tij.
Strakosha është portieri i dytë i Lazio-s, ndërsa Berisha pritet që të gjejë skuadër të re. Ndërsa mësohet se Orges Shehi nuk do të jetë më te kuqezinjtë. Sezonin e shkuar Strakosha bëri një sezon të mirë me Salernitanën në Serie B, ndërsa në stolin kuqezi do të jetë vetëm për ndeshjen me Maqedoninë, pasi më 2 shtator do të mbrojë kuadratin e Shpresave për ndeshjen kundër Greqisë.
Loading ...
Leave a Reply
You must be logged in to post a comment.