Tirana ka nisur të pushtohet nga emocionet e një prej ndeshjeve më të luftuara në historinë e futbollit shqiptar. Për herë të dytë në këtë sezon vihen përballë njëra-tjetrës Tirana dhe Partizani. Si çdo herë tjerër kjo përballje i shton tonin futbollit shqiptar.
Dy klubet legjendare do të luftojnë për çdo cep të fushës, teksa kërkojnë të pushtojnë kryeqytetin. Pa frikë e themi që pas spektaklit dhe emocioneve që na dhuroi kombëtarja shqiptare, derbi do na “gozhdojë” sërish për të tjera emocione.
Të dyja ekipet kanë nisur përgatitjet për këtë supersfidë, e cila vlen më shumë se 3 pikë. Kjo përballje vjen për krenarin e kryeqytetit dhe moralin e skuadrave, vlen për prestigj. Partizani vjen më i avantazhuar në këtë derbi, ndërsa i kanë mposhtur në duelin e parë të sezonit.
Bardheblutë nuk po kalojnë një moment të mirë në kampionat, ndësa kanë ulje – ngritjet” e tyre në këtë sezon. Djemtë e udhëhequr nga Julian Ahmataj do të synojnë “hakmarrjen” ndaj të kuqve dhe fitorja në “Air Albania” do të ishte “qershia mbi tortë” për të shëruar shumë “plagë” të hapura.
“Luftëtarët” kanë nisur të bëhen gati dhe të marrin direktivat e duhura, për të përgatitur në detaje këtë derbi, i cili është i 172 në historinë. 71 fitore shkonë në anën e Partizanit dhe 47 të tjera nga krahu i Tiranës. Vetëm në 53 raste skuadrat janë mjaftuar me nga 1 pikë.
Gjithçka ka nisur të marrë rrugën dhe “Air Albania” pret “titanët” shqiptarë, me tifozët që pritet të pushtojnë stadiumin dhe të dhurojnë spektakël në tribuna me shpresën që skuadra e tyre të dalë fitimtare. Deri nesër nuk na mbetet gjë tjetër veçse të presim dhe të shijojmë një prej ndeshjeve më spektakolare në vendin tonë.
Lexo gjithashtu
