Hamburgu është eliminuar në mënyrë surprizë që në raundin e parë të Kupës së Gjermanisë.
Ekipi ku aktivizohet Mërgim Mavraj është mposhtur sot 3-1 në transfertë nga skuadra e Ligës së tretë gjermane, VfL Osnabrück.
Edhe pse Osnabrück luajti me një futbollist më pak që në minutën e 18-të kur Appiah u ndëshkua me karton të kuq, sërish Hamburg nuk mundi të menaxhonte siç duhej epërsinë numerike.
Në minutën e 39-të, futbollisti i Osnabrück, Sangare bëri për 'ujë të ftohtë' Mërgim Mavrajn teksa i rrëmbeu një top me kokë në krahun e djathtë dhe më pas kaloi edhe Papadopoulos për të shërbyer te Halil Savran që shënoi golin e parë për skuadrën e Ligës së tretë gjermane.
Pjesa e parë përfundoi 1-0 për Osnabrück, ndërsa në të dytën, Heider e më pas Arslan realizuan sërish për ekipin e Ligës së tretë gjermane duke çuar rezultatin në 3-0 për vendasit.
Hamburg u ngushëllua me golin e nderit të realizuar nga Wood në minutën e 73-të përmes 11-metërshit.
Si përfundim, Hamburg eliminohet në mënyrë të turpshme nga Kupa e Gjermanisë që në raundin e parë, për më tepër nga një skuadër shumë larg nivelit të skuadrës elitare të Bundesligës./ NEWSPORT.AL
-Goli i parë i Osnabrück
Lexo gjithashtu
