Eleminimi i Brazilit ditën e djeshme pas humbjes me Belgjikën në çerek finale ka tronditur një komb të tërë që besonte se këtë vit do të arrinin të triumfonin për herë të 6-të në historinë e Kupës së Botës.
Por kombëtarja "seleçao" nuk ka arritur dot të tregojë forcën e vërtetë përballë talenteve të Belgjikës, duke dështuar të avancojë më tej në misionin e saj. Neymar nuk mundi të bëjë roilin e liderit të kombëtares së tij, duke mbyllur Botërorin me imazhet e stimulimeve të tij të shtrirë në fushë, më shumë se sa për golat apo aksionet e bukura.
Sulmuesi i PSG-së ka reaguar sot në lidhje me paraqitjen e djeshme, duke mallëngjyer jo pak me deklaratën e tij. "Mund të them që ky është momenti më i dhimshëm i karrierës time, sidomos pasi e dinim që i kishim të gjitha mundësitë dhe kualitetet për të fituar", ka thënë 26-vjeçari.
Më tej ai ka thënë që do të jetë shumë e vështirë për të të vazhdojë të luajë futboll, duke shokuar jo pak njerëz, por gjithsesi e ka zbutur direkt deklaratën duke shtuar se është i sigurt që Zoti do t'i japë forcë për të vijuar me kombëtaren. "Është shumë e vështirë për të gjetur forcat për të luajtur prap futboll por jam i sigurt që Zoti do më ndihmojë dhe do më japë fuqinë për t'u përballur me çdo gjë. Prandaj do të falenderoj Zotin edhe në humbje", ka shkruar ndër të tjera Neymar në rrjetet sociale.
[gallery columns="1" size="full" ids="255229"]
Lexo gjithashtu
