Kaleb Ekuban është kthyer në një pikë referimi për Partizanin. Sulmuesi afrikan me pasaportë italiane ka realizuar 6 gola për të kuqtë, të cilët kanë rezultuar vendimtarë në arritjen e tri pikëve.
Edhe në sfidën e fundit kundër Teutës, Partizani priti zgjidhjen nga Ekuban, i cili nuk zhgënjeu dhe shënoi golin e vetëm në fitoren 1-0.
Në fakt, të kuqtë nuk fitonin prej tri ndeshjes radhazi në kampionat dhe suksesi i fundit në Superligë ishte pikërisht kundër Korabit 1-0 me gol të shënuar nga Kaleb Ekuban.
Nëse sezonin e shkuar ishte Xhevahir Sukaj vendimtar për Partizanin, këtë sezon, rolin e shkodranit e ka marrë përsipër sulmuesi afrikan.
Poll
Lexo gjithashtu
