Albi Doka është një prodhim bardheblu, i afruar në fundin e muajit janar në skuadrën e parë dhe një zbulim ekskluziv i këtë sezoni negativ për Tiranën. Megjithatë, kualiteti që 19-vjeçari tregoi në pak ndeshje, bëri që vëmëndja të kthehej menjëherë drejt tij.
Newsport.al mëson disa tratativa të zhvilluara dhe prapaskënën që nuk e dërgoi lojtarin në Korçë. Duke qenë se nuk kishte ende një kontratë profesioniste dhe vinte me kartonin e të rinjve, Dokës ju afruan disa menaxherë për t’a joshur dhe nga Korça i bën gati një kontratë afatgjatë. Tirana u vu në dijeni të këtij sulmi të paparashikuar dhe bardheblutë që ndërkohë kishin nisur negociatën më lojtarin, u detyruan të tregohen më këmbëngulës.
Paralelisht oferta për Dokën duhej rishikuar pasi ai nuk po pranonte të firmoste ndërkohë që vetëm tre ditë më parë u gjet më në fund akordi. Mbrojtësi i djathtë rrezikonte largimin dhe mos aktivizimin në këtë periudhë por presidenti Refik Halili nuk lejoi largimin e tij duke e bindur të nënshkruaj për tre vitet e ardhshme.
Lexo gjithashtu
