Herald Marku, Tedi Cara dhe Marsel Ismajlgeci janë tre nga lojtarët e ftuar nga Kombëtarja për miqësoren e radhës kundër Katarit. Performancat pozitive në Superiore të tre futbollistëve kanë bindur stafin teknik të kuqezinjve për t'i pasur sërish në gjirin e tyre.
Burime të besueshme bëjnë me dije për Newsport.al që ata do të jenë të shtunën në Tropikal për të nisur përgatitjet për këtë sfidë. Madje nuk përjashtohet mundësia që ta nisin nga minuta e parë. Megjithatë këtë do ta vendosë përfundimisht trajneri Edy Reja.
Kujtojmë që mesfushori i Vllaznisë, sulmuesi i Partizanit dhe kapiteni i Tiranës ishin në list pritje për përballjen e shkuar kundër Arabisë Saudite. Kujtojmë që takimi Katar - Shqipëri do të luhet në datën 9 nëntor në Spanjë, e vlefshme si miqësore. /Newsport.al/
Lexo gjithashtu
