Merkato e dimrit ka hyrë në një fazë të nxehtë dhe tashmë "hyrje-daljet" në skuadrat e kampionatit shqiptar priten të jenë të shumta. Surpriza në këtë sezon ka qenë ekipi i Kamzës, që tashmë renditet në vendin e gjashtë me vetëm 4 pikë më pak se Laçi që ndodhet i treti në tabelën e klasifikimit.
Drejtuesit e Kamzës kanë premtuar goditje cilësore në merkaton e dimrit. Dhe mesa duket kështu do të ndodhë. Newsport.al ka mësuar ekskluzivisht se mbrojtësi i Flamurtarit, Ergis Mersini është pranë kalimit te Kamza.
Trajneri Ramadan Ndreu ka shprehur pëlqimin e tij për futbollistin gjirokastrit. Për neësport.al bëhet e ditur që kanë nisur bisedimet me 28-vjeçarin dhe çdo gjë pritet të mbyllet me sukses.
Në këtë sezon, Mersini ka qenë titullar në disa takime me skuadrën vlonjate. Por, afrimi i Zukës te kuqezinjtë ka bërë që vendi i titullarit tashmë të mos jetë i sigurtë. Gjithashtu nga ana tjetër, largimi i Nezirajt nga Kamza, ka shtuar nevojën që ekipi i Ndreut të përforcohet në këtë repart. /Retin TOKA/
[gallery columns="1" size="full" ids="188462"]
Lexo gjithashtu
