Teuta gjen më në fund mbrojtësin e ri. Pas largimit të Selmanit, kampionët në fuqi kanë hasur jo pak vështirësi në këtë repart dhe kanë zhvendosur Aleksin duke e larguar nga pozicioni i tij në mesfushë për të luajtur në qendër të mbrojtjes.
Harallamb Qaqi është afrimi më i fundit i Teutës në këtë merkato janari dhe Newsport.al mëson se mbrojtësi do të bashkohet sot me skuadrën në stërvitje që do të zhvillohet paraditen e sotme. 28-vjeçari në pjesën e parë të sezonit ishte pjesë e Drenicës në Kosovë, ndërsa tani do të rikthehet në Superligën shqiptare.
Qaqi e njeh mjaft mirë kampionatin shqiptar pasi në të kaluarën ka luajtur me skuadra si Laçi, Kukësi, Partizani dhe Skënderbeu, kurse tani do të veshë fanellën e Teutës dhe orët në vijim do të bëhet zyrtarizimi nga kampionët në fuqi.
Lexo gjithashtu
