Vijon eksodi nga Partizani. Ekipi kampion u përball me largimet e bujshme të drejtorit sportiv Elton Marini dhe trajnerit Giovanni Colella ndërsa tani sheh t’i ikë edhe njeriu besnik i klubit.
Burime të besueshme pranë klubit të Partizanti bëjnë me dije për Newsport.al se Ilir Bozhiqi ka dhënë dorëheqjen te drejtuesit dhe nuk do të jetë më pjesë e të kuqve. Ai mbulonte rolin e trajnerit të portierëve dhe ishte një pjesë e rëndësishme e stafit teknik.
Një shkundje e fortë për kampionët e Superiores që e kanë nisur me largime të bujshme merkaton. Ende s’ka lëvizje në grupin e lojtarëve por emrat qarkullojnë si në dalje edhe në hyrje. Drejtuesit duhet të veprojnë shpejtë duke filluar që me emërimin e trajnerit të ri e më pas me lojtarët pasi përgatitjet për Champions League duhet të nisin së shpejti.
Lexo gjithashtu
