Vasil Shkurtaj është një nga emrat e lakuar në media se mund t’i bashkohen skuadrës së Tiranës në këtë periudhe merkato. Sulmuesi që spikati me Kukësin në sezonin e shkuar, aktualisht është pa skuadër dhe gjendet jashtë vendit. Por, gjasat për t’iu bashkuar kampionëve të Shqipërisë janë shumë të vogla.
Për këtë newsport.al kontaktoi gjigandin e fazës ofensive, i cili kategorikisht mohoi lajmin e një transferimi te Tirana. Madje shprehu hapur shqetësimin për informacionet e rreme që shpërndahen për sportdashësit shqiptarë.
“Nuk është e vërtetë që mund të vij te Tirana. E kam thënë që në fillim, pasi jam larguar nga Kukësi, që do të luaj jashtë Shqipërisë. Nuk e di kush i nxjerr këto informacione, por e theksoj që do të luaj jashtë vendit“, tha Shkurtaj për Newsport.al duke mohuar zërat që e çonin te 25-herë kampionët e vendit.
Kujtojmë që në sezonin që lamë pas ai u shpall golashënues i Superiores duke arritur të realizojë 22 gola në 30 ndeshje ku u aktivizua. /Newsport.al/
Loading ...
