Florent Hasani po shkëlqen te skuadra e Tiranës ku deri më tani ka arritur të mbajë flamurin e golashënuesve në Superiore. 26-vjeçari ka shënuar 14 gola në 27 ndeshje duke dhënë edhe 5 asiste. Në sfidat e fundit ka njohur progres në performancën e tij duke bërë që të bjerë në sytë e të huajve.
Burime të besueshme bëjnë me dije për Newsport.al që klubi i Qarabag-ut ka shfaqur interes për shërbimet e tij. Azerbajxhanasit po ndjekin me vëmendje paraqitjen e anësorit bardheblu dhe në merkaton e verës mund të hapin thesin, njëjtë sikur bënë edhe me Redon Xhixhën.
Pritet të shihet se çdo të ndodhë me 26-vjeçarin, që me këtë ecuri, vështirë se do të qëndrojë në elitë. Azerbajxhani mund të jetë destinacioni i ardhshëm i tij, por nuk përjashtohen mundësitë e ndonjë oferte tjetër. Aktualisht Qarabag ka shfaqur interes për të dhe vetëm në merkaton e verës do të mësohet përfundimisht se çdo të ndodhë. /Retin TOKA/
Lexo gjithashtu
