Hapësire reklamuese

Çështjet kryesore

ARKIVA

EKSKLUZIVE/ “Për titullin flasim më vonë”, Lorenco Vila paralajmëron: Prisni një Dinamo befasuese

Shkruar nga NEWSPORT
EKSKLUZIVE/ “Për titullin flasim më vonë”, Lorenco

Lorenco Vila kompletoi transferimin e tij të parë në karrierë teksa iu bashkua Dinamos nga Teuta ditën e djeshme. Blutë paguan 50 mijë euro për kartonin e tij ndërsa durrsakët do të mbajnë edhe 25% të kartonit në shitjen e rradhës të lojtarit.

Sulmuesi 24-vjeçar është ndër më të mirët në pozicionin e tij në vitet e fundit në Superiore duke shënuar 38 gola e 7 asiste në 187 ndeshje me Teutën. Me bregdetaret Vila fitoi edhe 4 trofe, kampionatin, Kupën dhe 2 Superkupa.

Në një intervistë ekskluzive për Newsport.al, Lorenco Vila ka treguar ndjesitë e para si dinamovit, ndërsa sa i përket çështjes së titullit kampion, Vila preferon t’ja lërë kohës përgjigjen e kësaj pyetjeje.

-U larguat nga Teuta pas 7 vitesh, si iu bindi Dinamo?

Po, ishte një zgjedhje që u arrit mes drejtuesve të dy ekipve. Por nisur nga ofertat e ardhur nga Dinamo të gjithë mbetëm të kënaqur e tashmë do jem pjesë e kësaj skuadre. Megjithatë, mendoj se tani kam bërë zgjedhjen e duhur, në mënyrë që të kërkoj më të mirën me këtë skuadër.

-Për sa sezone keni firmosur me skuadren e re?

Kontrata ime me Dinamon është 2+1.

-Me Teutën zhvilluat edhe fazën përgatitore, pse u larguat nga Durresi pikërisht tani?

Unë e thashë dhe dje kur u largova, nuk ishte një zgjedhje e lehtë, pasi kanë qenë 7 vite të mrekullueshme. Jam rritur në atë klub dhe fitova gjithcka. Është normale që do vinte momenti për mua të ikja, të provoj veten diku tjetër.

-Keni kryer seancën e parë stërvitore me Dinamon. Nga një italian te tjetri, si ishte të përgatiteshe me kryeqytetasit?

Sot ishte dita ime e dytë e stërvitjes tek Dinamo, deri më tani me ka lënë një impakt pozitiv dhe do jap maksimiun që të ndihmoj ekipin në sezonin e ri.

-Pse Di Biagio mund të arrijë titullin me Dinamon?

Është një pytje që nuk mund të jap një përgjigje precize pasi siç e thashë, unë kam vetëm 48 orë që jam bashkuar me Dinamon.

-A beson se me blutë e kryeqytetit do të bësh hapin e shumëpritur në karrierë, kalimin në Europë?

Normale që dëshira është shumë e madhe, është një ëndërr. Por nga ana tjetër nuk mund të them asgjë për momentin. Kam si synim të jap më të mirën tek Dinamo.

-Me aq sa keni arritur të njihni grupin, “Nëndetësja” do të fitoje trofe kete sezon? Po pjesmarrja ne Kupat e Europes eshte kusht i presidences?

Dinamo do ketë fizionominë e saj, pasi Superiorja është ndryshe nga Kategoria e Parë. Dua të them se presidenti dhe drejtuesit do jenë sërish befasues. Projekti i nisur ka të tjera gjëra që Dinamo do t’i përmbushë saktësisht. Të jesh pjesë e Superiores është privilegj. Çdo tifoz e meriton ruajtjen e vazhdimësisë dhe ta shohin skuadrën për të mos qenë kalimtare në garimin e ri që do të nisë.

-Te Blutë gjeni Albion Markun dhe Rustem Hoxhen, a ju kanë folur për projektin e Dinamos?

Jo, vetëm sot jemi takur dhe kemi biseduar rreth ekipit apo cfarë mund të bëj mirë. Me Hoxhen kemi fituar titullin kampion te Teuta, ndërsa me Albionin kaluam një sezon të mirë vjet.

-Dinamo ekip kryeqyteti apo "Dinamo City"?

Nuk më takon mua të jap një përgjigje për këtë. Kaq mund të them.

-Keni qenë pranë kalimit në Rumani. Pse nuk u realizua transferimi?

Mendoj që nuk ishte rrisk për mua. Nuk ishte e shkruar që të kaloj në Rumani, por tashme ajo është një e kaluar dhe me shpresë te Zoti, në një të ardhme të shkoj diku tjetër.

//Floridona Ademaj

Poll

Lexo gjithashtu

Superiore - Ndeshjet

Kategoria Superiore

Itali - Serie A

Spanjë - La Liga

Angli - Premier League

Gjermani - Bundesliga