Prej disa kohësh, klubi i Partizanit është vënë në kërkim të një mbrojtësi të majtë, megjithatë deri më tani në atë rol luan vetëm Renaldo Kalari. Të ndodhur në këto kushte, drejtuesit e 15-herë kampionëve të Shqipërisë kanë nisur tratativat për të gjetur zëvendësuesin e Kotobellit. Burime të besueshme bëjnë me dije për newsport.al që drejtori i përgjithshëm, Olsi Rama së bashku me trajnerin Skënder Gega duan në ekip Simon Rrumbullakun.
Mbrojtësi i majtë i Kukësit është vënë prej kohësh në orbitën e kuqe, megjithatë po pritet që të përfundojnë Kupat e Europës. Me ardhjen e Cuculit në skuadër që mund të luajë si i majtë, por edhe me Vangjel Zguron kjo anë e fazës difensive e verilindorëve është e plotësuar. Pritet me interes të shihen se si do të mbyllen këto tratativa, teksa duhet thënë që vitet e fundit, Rrumbullaku ka qenë një nga lojtarët që kanë spikatur në vendin tonë. /Newsport.al/
Lexo gjithashtu
