Realdo Fili do të largohet nga Partizani në fund të këtij sezoni. Burime të sigurta pranë lojtarit bëjnë me dije pwr newsport.al që talenti fierak është i pakënaqur për shkak të hapësirave të pakta që trajneri Sulejman Starova i ka dhënë në formacion. Të njëjtat burime bëjnë të ditur që 20-vjeçari ka një sërë ofertash, por ende nuk ka vendosur se ku do të vijojë aventurën e tij futbollistike. Gjasat janë që Fili të mbetet sërish në Superiore, por emri i skuadrës nuk bëhet i ditur.
Kujtojmë që Realdo Fili u afrua te Partizani në merkaton e dimrit në sezonin e kaluar. Ishte pikërisht ish-drejtori Dritan Dervishi që e solli tek të kuqtë. Talenti dhe cilësitë e treguara në fushë e bënin një lojtar të së ardhmes, megjithatë ai nuk mundi të mposhtë konkurrencën te Partizani për të zënë një vend titullari. Ai ka shënuar me të kuqtë 3 gola në 26 ndeshje që është aktivizuar. Duhet përmendur goli më me vlerë kundër Ferencvaroshit në Ligën e Kampionëve, që në fund rezultoi vendimtar për kualifikimin e mëtejshëm të të kuqve.
Loading ...
