Vora fitoi ditën e sotme ndeshjen e luajtur në shtëpi përballë Flamurtarit. Ekipi i drejtuar nga Klodian Arbëri triumfoi me rezultatin 3-1 dhe mori 3 pikë mjaft të rëndësishme në një ndeshje përballë një rivali direkt në ‘luftën’ për Superiore. Një fitore spektakolare për ekipin e Vorës, pasi fituan me prëmbysje.
Pas kësaj sfide, në një prononcim ekskluziv të dhënë për Newsport.al, Eridon Qardaku, autori i golit të 3-të për Vorën shprehet se e merituan fitoren ndaj Flamurtarit. Qardaku numëron 7 gola deri më tani në Kategorinë e Parë, teksa thotë se i pëlqen shumë porta dhe mundohet gjithnjë që të gjejë rrugën e rrjetës.
“Në ndeshjen përballë Flamurtarit kishim hyrë me synimin e 3 pikëve. Për 3 pikët futemi në çdo ndeshje. E kishim studiuar mirë kundërshtarin sot dhe morëm atë që deshëm. Nuk e filluam mirë, por ne kemi një frymë që nuk dorëzohemi asnjëherë. Tentuam dhe arritëm të shënonim dy gola të shpejtë dhe pastaj me golin e 3-të fituam qetësinë që na duhej.
Golin gjithmonë mundohem ta gjej sepse më pëlqen porta. Mendoj se bëra një zgjedhje të duhur nga një kënd i vështirë dhe jam i shumë i lumtur që arrita të nidhmoj ekipin në këtë fitore.
Ndeshja e radhës kundër Tomorit është një ndeshje si gjithë të tjera. Është një ekip me traditë dhe e vlerësojmë maksimalisht. Shpresoj që të dalim me fitore dhe të rikuperojmë pikët në tabelë, por normalisht që është një ndeshje shumë e vështirë”, është shprehur Eridon Qardaku.
Lexo gjithashtu
