Eglentin Gjoni po kërkohet nga klubi i Egnatias. Trajneri Gugash Magani e njeh mirë ish-qendërmbrojtësin e Laçit dhe burime për Neësport.al tregojnë se tekniku peqinas u ka kërkuar drejtuesve për ta pasur në ekip. Palët janë në bisedime dhe akoma s’është arritur një marrëveshje konkrete.
Eksperienca e 28-vjeçarit në Superiore si dhe cilësitë e tij në repartin e mbrojtjes, e kanë bërë të duhurin për stafin teknik të Egnatias. Sezonin që lamë pas, ai ishte pjesë e Drenicës në Superligën e Kosovës, ndërsa tanimë është futbollist i lirë.
Siç kanë deklaruar dhe drejtuesit e Egnatias, po tentohet të ndërtohet një skuadër kompetitive për sezonin e ri për të mos qenë thjesht kalimtarë mes më të mirëve. Zhvillime të reja priten në vazhdim në klubin rrogozhinas.
Loading ...
