Redon Mihana padisktuim ishte një nga protagonistit e javës së parë të “Abissnet Superiore”. Sulmuesi debutoi me Erzenin, teksa në transfertën e Laçit arriti të shënonte dy gola mjaft të rëndësishënm që ndihmuan shijakasit të merrnin 1 pikë.
U largua nga Egnatia vetëm pak ditë para startit të Superiores dhe u transferua te Erzeni. Një vendim që lojtari e mori për shkak të minutave të pakta në dispozicion që kishte te rrogozhinasit. Në një intervistë për “Newsport.al”, Mihana ka theksuar se çfarë e bindi të vishte fanellën e Erzenit dhe çfarë synon të arrijë me shijakasit.
Gjithashtu 24-vjeçari theksoi se ndryshimi i skemës së Superiores është diçka që e duhej të bëhej, ndërsa shpreson që të jetë e goditur si formulë. Sa për rivalitetin Mihana është i bindur se këtë sezon Superiorja do të jetë më e fortë dhe e luftuar, pasi ekipe tkanë invenstuar dhe cilësia e kampionatit është rritur.
U larguat nga Egnatia pak ditë para startit të kampionatit. Pse erdhi ky vendim?
Largimin nga Egnatia nuk dua ta komentoj. Është diçka që e kam lënë pas dhe tashmë jam i fokusuar te një tjetër ekip. Jo çdo gjë në futboll shkon siç ti dëshiron, ndaj dhe ndarjet janë të pashmangshme.
Si iu bindi Erzeni?
Erzeni është një skuadër simpatike dhe unë falenderoj shumë drejtuesit që besuan tek unë dhe bënë të mundur që të vishja këtë fanelë. Kalimi im te Erzeni është padiskutim këmbëngulje e trajnerit Alfred Deliallisi, i cili beson tek aftësitë e mia dhe më bindi të pranoj të luaj për Erzenin. Më telefonoi dhe më tha më duhesh te Erzeni, më premtoi minuta dhe nuk u mendova shumë për t’i thënë “PO” telefonatës së tij.
2 gola në ndeshjen debutuese me shijakasit, a e kishte menduar Redoni një start të tillë?
Padiskutim që një start të tillë nuk e kisha menduar, por jam shumë i lumtur për golat që shënova dhe që e nisa me “këmbën e mbarë” aventurën te Erzeni. Por më shumë jam i lumtur që ndihmova skuadrën të merrte 1 pikë në një transfertë të vështirë si Laçi.
A është gati Mihana të mbajë mbi supe sulmin e Erzenit në këtë sezon?
Unë jam vetëm një person dhe do të jap maksimumin tim në çdo pozicion që do të luaj. Kudo që trajneri ka nevojë për mua unë do të jam më shumë se 101% tim. Në këto kushte skuadra nuk varet vetëm nga këmbët e mua, pasi ne jemi një ekip dhe si të tillë të gjithë duhet të kuntribuojmë për të mirën e skuadrës.
Erzeni u riformatua në javët e fundit, besoni se kjo skuadër do të kapë Europën apo të fitoj trofe?
Është shumë e vërtetë që Erzeni është riformatuar në javët e fundit. Me aq sa kam parë unë në stërvitje nga çunat, jemi një skuadër që besojmë se do të arrijmë diçka këtë vit. Por gjithsesi ne shpresojmë që çdo gjë të shkojë ashtu siç duhet, pasi kampionati është i gjatë dhe gara është e fortë.
Sa është numri i golave që do të shënojë Mihana këtë sezon?
Në fakt unë nuk kam një numër fiks të golave që do të shënoj këtë sezon. Sigurisht personalisht do të doja të shënoja në çdo ndeshje, por mbi të gjitha është e rëndësishme të ndihmoj ekipin. Nuk ka rëndësi nëse unë shënoj apo jo, mbi të gjitha vlen që skuadra të marrë sa më shumë pikë.
A është Erzeni si një trampolinë për t’u transferuar jashtë Shqipërisë?
Aktualisht jam i fokusuar te Erzeni dhe të bëjë sa më mirë këtu në Shijak. Por si çdo lojtarë edhe unë sigurisht që do e doja një kalim jashtë Shqipërie. Tashmë siç dihet ekipet shqiptare janë një trampolinë e mirë për çdo lojtar jo vetëm për mua.
Tifozët shijakas sezonin e kaluar ishin më aktivët, kemi ndonjë mesazh për to?
E kam parë vitin e kaluar që mbështetën skuadrën në çdo ndeshje. Janë tifozë të mrekullueshëm dhe janë një nga pikat më të forta që ka Erzeni. I falenderoj shumë për mikëpritjen pas janë një motivim më shumë për ne.
Janë rikthyer në Superiore Dinamo dhe Skënderbeu. Kampionati këtë sezon do të jetë më i fortë se ai i vitit të kaluar?
Është shumë e vërtetë që këtë vit kampionati do të jetë më i fortë. Rikthehen ekipe që kanë bërë historinë në futbollin shqiptarë dhe rrjedhimisht gara do të jetë më e zjarrtë. Gjithashtu skuadrat kanë bërë edhe investime të mëdha dhe cilësia është rritur ndjeshëm.
Këtë sezon ka ndryshuar edhe struktura e Superiores. Çfarë mendoni për “Final Four”?
Personalisht e kam dashur gjithmonë një ndryshim të skemës së Superiores. Këtë vit ndodhi diçka e tillë. Shpresojmë shumë që të na dali për mirë dhe pse jo të jetë edhe në favorin tonë.
//Floridona Ademaj
Lexo gjithashtu
