Edlir Tetova u largua dje nga drejtimi i Egnatias. Humbja 2-1 kundër Teutës nuk u kapërdi nga drejtuesit të cilët vendosën të ndërprisnin bashkëpunimin me ish-trajnerin e Tiranës. Edhe pse rrogozhinasit deri më tani ishin cilësuar si një nga ekipet që duheshin mundur, situata nuk duket të jetë e qetë.
Pas ndeshjes, trajneri Tetova u shfaq i mërzitur duke u theksuar se në golin e dytë të Teutës, asnjë lojtar nuk kërceu për të larguar topin duke lënë hije dyshimi për një “tradhëti”. Mirëpo është vetë Tetova që në një prononcim për Neësport hedh poshtë çdo gjë.
“Asgjë s’ka ndodhur midis meje dhe djemve, përsa i perket largimit është mungesë rezultatesh sepse objektivi këtë sezon është pjesëmarja në Europë për klubin. Personalisht nuk jam i zhgënjyer për lojën dhe angazhimin e lojtarëve në fushë. Vuajtja më e madhe është shënimi i golit ama te kjo pjesë trajneri dorëzohet nuk mundem të shënoj gol. I uroj suksese ekipit.”- u shpreh Tetova.
Lexo gjithashtu
