Shkëlzen Rustami është përzgjedhur si trajneri i ri i Kastriotit. Burime të besueshme për Newsport.al bëjnë me dije se drejtuesit i kanë dhënë besimin e duhur teknikut të njohur për të drejtuar ekipin krutan. Largimi i Emiliano Çelës ka qenë i papritur për Kastriotin pas humbjes 4-0 me Tiranën.
Kësisoj, drejtuesit i kanë besuar skuadrën një emri si Rustami që i njeh mirë lojtarët që përbëjnë organikën krutane. Të njëjtat burime tregojnë se sot ai do të zbresë bashkë me ekipin në stërvitje për t'u përgatitur për sfidën e ardhshme. E sigurtë është se ai do të jetë në krye për dy ndeshjet e radhës.
Nëse rezultatet do të jenë pozitive, nuk do të jetë habi që drejtuesit e Kastriotit t'i besojnë deri në fund të këtij edicioni futbollistik. Ai u largua nga Kastrioti pas emërimit të Ndreut në krye të pankinës. Tashmë rikthehet sërish për të nxjerrë skuadrën nga gjendja e vështirë. Kujtojmë që të premten krutanët do të kenë përballë Vllazninë dhe Egnatian, ndeshje që do t'i vënë kapakun këtij viti kalendarik.
Lexo gjithashtu
