Partizani ia doli të fitonte Superkupën e Shqipërisë në ndeshjen e luajtur përballë Egnatias në stadiumin “Air Albania”. Një sfidë të cilën e vendosi Arinaldo Rrapaj pasi përfitoi nga gafa e portierit të rrogozhinasve.
Por padyshim një nga protagonistët kryesorë të kësaj sfide ishte dhe portieri i Partizanit, Pano Qirko. Qirko ishte vendimtar me pritjet e tij gjatë gjithë ndeshjes. Pritje që rezultuan të rëndësishme pasi e mbajti portën e “Demave” të paprekur. Një nga këto raste ishte dhe penalltia e pritur nga 24-vjeçari në minutën e 72-të të sfidës.
Në një intervistë ekskluzive për “Newsport.al”, është vetë Qirko që përmend emocionet e fitimit të Superkupës, ‘sekretin’ e pritjes së “Panenkas” të ekzekutuar nga Fernando, por dhe objektivat e ëndrrat që ai ka.
- Ndjesia e parë përfundimit të ndeshjes?
“Është normale, që në momentin që është ndeshje finale dhe ke objektiva që t’i fitosh ke një emocion pozitiv. Ky emocion të shtyn të jesh i përqendruar dhe i motivuar. Dhe në momentin që fiton janë ato emocione të bukura që të bëjnë të ndihesh shumë mirë.”
- Penalltia e pritur? E menduat që Fernando do godiste ‘Panenka’?
“Të them të drejtën me trajnerin tim kemi studiuar penalltitë që kundërshtari bënte. Kemi parë penalltitë sepse fati mund të na dërgonte deri tek to. Pastaj penalltia është çështje fati dhe ky fat më erdhi mua. Jam shumë i lumtur”
- Arsyeja e triumfit të Partizanit në Superkupë?
“Partizani ka një fanellë të rëndë dhe me shumë presion. Kur e vesh përsa i përket ekipeve që luajnë kundër kanë një lloji presioni i cili është në favor të Partizanit. Po ashtu mund të them që Partizani është ekipi më i mirë dhe më i kompletuar në Shqipëri.”
[caption id="attachment_716465" align="alignnone" width="815"]
Festa e Partizanit pas fitimit të Superkupës[/caption]
- Egnatia rivali kryesor?
“Normale që po. Egnatia ka një ekip shumë të mirë. Do të jetë rival i fortë për katërshen.”
- Pika e fortë dhe e dobët e Partizanit?
“Partizani nuk besoj të ketë pikë të dobët ose të fortë. Është një grup i kompletuar që luftojnë për rezultate sa më të mira.”
- Egziston ‘frika’ e rivalitetit me Alban Hoxhën?
“Albani ka qenë dhe është një ndër portierët më të mirë që ka patur ndonjëherë Shqipëria. Unë jam shumë i lumtur që e kam në ekip. Albani më jep shumë këshilla që më vlejnë shumë. Përsa i përket fushës së lojës, mundohem t’i marr sa më shumë gjëra të mira që ai ka.”
[caption id="attachment_716470" align="alignnone" width="800"]
Pano Qirko & Alban Hoxha[/caption]
- Objektivat që Qirko ka?
“Ëndrra e çdo futbollisti është të jetë në Kombëtare dhe shpresoj ta bëj realitet. Objetkvi im është të punoj sa më fort dhe të shkoj në një kampionat europian.”
- Idhulli juaj?
“Idhulli im është Jan Oblak, portieri i Atletico Madrid. Më pëlqen si e lexon lojën dhe mënyra si reagon në fushë.”
[caption id="attachment_716471" align="alignnone" width="792"]
Jan Oblak[/caption]
- Portieri i vitit u zgjodh Alen Sherri, por a prisnit që të ishit ju?
“Pikë së pari i uroj shumë suksese Alenit. Është portier shumë i mirë. Përsa i përket se si vendoset ky çmim nuk ja kam idenë. A është me statistika apo me analista? Nuk e di. Por puna ime është që të punoj fort dhe çdo gjë ta tregoj në fushën e lojës, ku performanca ime të jetë sa më e lartë.”
/Nikoll Andrea Rajta/
Lexo gjithashtu
