Donjet Shkodra pas largimit nga Kukësi tashmë është një lojtar i lirë. Mesfushori është ktheyer në kryeqytet ku po vijon stërvitjen i diferencuar për të qenë gati për skuadrën e re ku pritet të firmos. Burime për Newsport.al bëjnë me dije se ish-mesfushori i Kukësit kërkohet nga dy skuadra të njohura në Superligë. Kamza dhe Flamurtari kanë vënë në shënjester lojtarin dhe dëshirojnë ta afrojnë në skuadër.
Ky do të ishte një rikthim në Vlorë për Donjet Shkodrën pasi në kampionatin tonë për herë të parë ka luajtur me fanelën e Flamurtarit. Edhe Ilir Daja ka dhënë aprovimin e tij për të patur në skuadër ish-lojtarin e tij te Skënderbeu. Nga ana tjetër është edhe ekipi i Kamzës që kërkon të afrojë në skuadër Shkodrën. Një duel në merkato mes dy skuadrave për të siguruar shërbimet e mesfushorit.
Loading ...
