Skuadra e Egnatias do të prezantojë ditën e sotme tre përforcimenë ekip. Siç mëson “Newsport”, ekipi rrogozhinas do të përforcojë organikën me tre lojtarë të njohur të Superiores: Renato Malota, Alen Sherri dhe Emiljano Musta.
Portieri shkodran e ka mbyllur me Laçin dhe do të transferohet tek Egnatia, aty ku pritet të jetë titullar i padiskutueshëm. Po ashtu, edhe Emiljano Musta është larguar nga Kukësi në fundin e sezonit dhe pritet të veshë fanellën e Egnatias.
Malota ofron garanci dhe eksperiencë në qendër të mbrojtjes dhe me shumë gjasa, do të jetë zëvendësuesi i kapitenit Gëzim Krasniqi, me këtë të fundit që duket drejt largimit. Megjithatë, Malota do të qëndrojë te Laçi deri në përfundim të aventurës europiane të kurbinasve e më pas do të transferohet në Rrogozhinë.
Lexo gjithashtu
