Claudivan dos Santos Bezerra (Bam Bam) do të largohet nga Egnatia. Burime të besueshme pranë klubit rrogozhinas bëjnë me dije për Newsport.al që sulmuesi i afruar me bujë, është në negociata për të prishur kontratën. Mungesat e hapësirave në formacionin titullar ka bërë që ai të kërkojë përfundimin e marrëveshjes.
Gjithashtu stafi i ri teknik nuk e ka në plane dhe në këto kushte, gjasat janë që të largohet. Edhe pse merkato e dimrit ende s’është çelur, në Superiore po punojnë intensivisht për të plotësuar organikat respektive me elementë cilësorë.
Pritet me interes të shihet se kush do të jenë hyrje apo daljet, teksa Bam Bam është i pari që do ta bëjë “sefte” në merkaton e dimrit. 28-vjeçari brazilian është aktivizuar në 8 ndeshje në këtë edicion futbollistik, ku nuk ka arritur të shënojë asnjë gol. /Retin TOKA/
Lexo gjithashtu
