Merkato e janarit është më pak se 2 javë larg dhe skuadrat kanë filluar të lëvizin për të përforcuar grupin. Ashtu si çdo skuadër, edhe Ballkani do të futet në merkato për të plotësuar grupin apo për të përforcuar më shumë atë.
Burime të sigurta në Kosovë bëjnë me dije për Newsport.al se kampionët dardan do të ‘thyejnë’ arkën për një nga talentët më të mirë që ka prodhuar futbolli kosovar në vitet e fundit. Drilon Hazrollaj është emri që ka lënë mbresa te drejtuesit suharekas dhe trajneri Ilir Daja.
Sulmuesi 19-vjeçar i Malishevës po shkëlqen këtë sezon ku në 17 ndeshje në Albi Mall Superliga ka shënuar plot 8 gola duke dhuruar edhe 4 asiste. Gjithashtu ka shënuar dopietë në një ndeshje të Kupës së Kosovës. Hazrollaj, së fundmi, ka marrë edhe çmimin ‘Talenti më i Mirë’ dhe Ballkani është gati të shpenzojë shifra rekord për futbollin kosovar për të siguruar shërbimet e anësorit.
Kujtojmë se lojtari ka një vlerë prej 400 mijë eurosh në Transfermarkt, ndërsa është i lidhur në një kontrat deri në qershorin e vitit 2025 me klubin e Malishevës.
[caption id="attachment_716202" align="alignnone" width="900"]
Drilon Hazrollaj[/caption]
Lexo gjithashtu
