Adriatik Faslliu pritet të jetë trajneri i ri i Apolonisë. Burime të besueshme pranë klubit fierak bëjnë me dije për Newsport.al që ish-tekniku i Turbinës shihet si i duhuri për të marrë drejtimin e tyre.
Duhet theksuar se ende s’është thënë fjala e fundit, megjithatë miqësia e tij me presidentin Koço Kokëdhima mund ta zyrtarizojë së shpejti në krye të skuadrës së Apolonisë. Shkarkimi i Klevis Dalipit pas fillimit të kampionatit ka lënë vakant pozicionin e trajnerit.
Kësisoj, Faslliu shihet si zëvendësuesi ideal i teknikut kryeqytetas. Pritet të shihet se çdo të ndodhë përfundimisht në Fier, ndërsa presidenca e Apolonisë ka caktuar objektiva madhorë.
Aktualisht, skuadra e Apolonisë renditet në vendin e katërt me 4 pikë të grumbulluara në 3 javë të zhvilluara.
Lexo gjithashtu
